S’ASSÒTZIU
Chentu àrbores cun Alas in bolu
Mario Demontis, connotu Marieddu, 60 annos, de Ossi. Cojuadu, babbu de bator fìgios. Presidente de s’assòtziu “Alas in bolu”. Frailàrgiu, dae semper amantiosu de sa limba e de sa cultura sarda....
3 MINUTI DI LETTURA
Mario Demontis, connotu Marieddu, 60 annos, de Ossi. Cojuadu, babbu de bator fìgios. Presidente de s’assòtziu “Alas in bolu”. Frailàrgiu, dae semper amantiosu de sa limba e de sa cultura sarda.
Marieddu, s’assòtziu bostru comente est nàschidu?
«Deo dae semper istimo sa cultura sarda in totu sas formas, a cumentzare dae sa limba. Cando apo connotu sas duas collaboradoras meas, Dolores Nieddu e Rosa Coròngiu, apo iscobertu chi nos acumonaiat su disìgiu de avalorare sa cultura sarda e su disìgiu de la trasmìtere a sos àteros. Amus meledadu subra de una manera noa pro ispàrghere custa cultura e pro dare finas agiudu a sa gente».
Alas in bolu, custu nùmene pro ite?
«Alas, ca sas alas sunt su sìmbulu de sa libertade. In bolu, ca s’oportunidade de s’espressare non podet bìvere in intro de una gàbbia. Pro custa resone nois ordingiamus sos eventos peri sas biddas de sa Sardigna tota. A nde mentovare calicunu, semus istados in s’Ulumedu, in Atzara, in Orune, in carchi istitutu de antzianos e in una presone. Giughimus cultura e atopamus àteras culturas e pessones noas. Totu custu l’intendo a beru comente unu biàgiu culturale sardu mannu meda».
Custu biàgiu culturale comente l’ais cumentzadu?
«Semus mòidos dae sa poesia a taulinu. Andende in sas biddas connoschimus poetes chi no ant partetzipadu mai a perunu cuncursu e chi tenent talentu e sentidu fungudos pro poetare».
Sos cuncursos bostros, ite particularidade ant?
«Cussa de cumentzare e acabare cara a cara de sa gente in intro de una serada matessi. Est un’eventu de pagu prus o mancu de tres oras».
A nos contas comente l’ordingiais un’eventu?
«Una cantas dies in antis de s’eventu, deo gheto su bandu in sos social e in àteros mèdios de comunicatzione. Tando sa gente at sa possibilidade de si nch’iscrìere pro partetzipare a sa serada. Cando sos assentados benint a su cuncursu, cada unu nche àrtziat a su palcu a lèghere sa poesia sua in cara de su pùbblicu e de sas duas giurias».
Duas giurias? Diat èssere a nàrrere?
«B’amus una giuria tècnica formada dae professores, literados, giornalistas o pessones de cultura e una giuria de su pòpulu. Pro onni cuncursu ambas semper mudant. Cumprida sa premiatziones sas giurias dant su prèmiu. In mesu de sas seradas insertamus cantadores, sonadores e artistas nòdidos chi benint dae sa Sardigna tota»
Paris cun sa cultura, finas a sa solidariedade pensais? Comente?
«Amus ordingiadu eventos pro sa regorta de dinari chi amus donadu a sos chi sunt istados peleados dae sa temporada mala de Bitti. Cun aficu e coro mannu, amus finas chircadu de agiudare a su mere de unu terrinu de su Montiferru comporende·li chentu àrbores de olia. In cussos sartos sos fogos ant brusiadu mìgias e mìgias de àrbores».
Pro agiudare, àteras seradas seis ordingende?
«Eja, semper pro su Montiferru, semus pensende de ordingiare un’àteru eventu mannu mannu chi at a aunire artistas chi benint dae tretos diversos de Sardigna, comente: poetes, improvisadores, sonadores de launeddas, tenores, atores de teatru e àteros artistas connotos in totu su mundu».
E sa poesia, oe in die, sos giòvanos, a l’istimant?
«Andende dae una bidda a s’àtera semus agatende giòvanos, fèminas e òmines, ch’iscrient e chi ant su disìgiu de s’espressare in versos. Comente edade amus bidu chi sunt giòvanos a inghìriu de sos trint’annos, ma disigiamus de acurtziare a sa poesia finas pitzocheddos. Totus ant bisòngiu de unu logu ue b’apet sentidos e libertade pro pòdere contare su chi tenent in sos pensos e in su coro».
Giòvanos e mannos, ite temas tratant?
«Sa gente manna est prus ligada a sos ammentos de sa vida colada. Sos prus giòvanos imbetzes contant miras e isperas pro su tempus benidore».
Modernidade, poesia e mundos virtuales... ite nde pensas?
«Sa tecnologia est ùtile meda, ma non si podet bìvere petzi de mundos virtuales. Su cuntatu de presèntzia intre sas pessones est importante a beru. In sos eventos nostros naschent semper amistades noas e verdaderas. Penso chi cultura e solidariedade aunint e podent megiorare sa sotziedade. Tocat de ordingiare sas cosas cun ànima funguda e cun istima».
Marieddu, s’assòtziu bostru comente est nàschidu?
«Deo dae semper istimo sa cultura sarda in totu sas formas, a cumentzare dae sa limba. Cando apo connotu sas duas collaboradoras meas, Dolores Nieddu e Rosa Coròngiu, apo iscobertu chi nos acumonaiat su disìgiu de avalorare sa cultura sarda e su disìgiu de la trasmìtere a sos àteros. Amus meledadu subra de una manera noa pro ispàrghere custa cultura e pro dare finas agiudu a sa gente».
Alas in bolu, custu nùmene pro ite?
«Alas, ca sas alas sunt su sìmbulu de sa libertade. In bolu, ca s’oportunidade de s’espressare non podet bìvere in intro de una gàbbia. Pro custa resone nois ordingiamus sos eventos peri sas biddas de sa Sardigna tota. A nde mentovare calicunu, semus istados in s’Ulumedu, in Atzara, in Orune, in carchi istitutu de antzianos e in una presone. Giughimus cultura e atopamus àteras culturas e pessones noas. Totu custu l’intendo a beru comente unu biàgiu culturale sardu mannu meda».
Custu biàgiu culturale comente l’ais cumentzadu?
«Semus mòidos dae sa poesia a taulinu. Andende in sas biddas connoschimus poetes chi no ant partetzipadu mai a perunu cuncursu e chi tenent talentu e sentidu fungudos pro poetare».
Sos cuncursos bostros, ite particularidade ant?
«Cussa de cumentzare e acabare cara a cara de sa gente in intro de una serada matessi. Est un’eventu de pagu prus o mancu de tres oras».
A nos contas comente l’ordingiais un’eventu?
«Una cantas dies in antis de s’eventu, deo gheto su bandu in sos social e in àteros mèdios de comunicatzione. Tando sa gente at sa possibilidade de si nch’iscrìere pro partetzipare a sa serada. Cando sos assentados benint a su cuncursu, cada unu nche àrtziat a su palcu a lèghere sa poesia sua in cara de su pùbblicu e de sas duas giurias».
Duas giurias? Diat èssere a nàrrere?
«B’amus una giuria tècnica formada dae professores, literados, giornalistas o pessones de cultura e una giuria de su pòpulu. Pro onni cuncursu ambas semper mudant. Cumprida sa premiatziones sas giurias dant su prèmiu. In mesu de sas seradas insertamus cantadores, sonadores e artistas nòdidos chi benint dae sa Sardigna tota»
Paris cun sa cultura, finas a sa solidariedade pensais? Comente?
«Amus ordingiadu eventos pro sa regorta de dinari chi amus donadu a sos chi sunt istados peleados dae sa temporada mala de Bitti. Cun aficu e coro mannu, amus finas chircadu de agiudare a su mere de unu terrinu de su Montiferru comporende·li chentu àrbores de olia. In cussos sartos sos fogos ant brusiadu mìgias e mìgias de àrbores».
Pro agiudare, àteras seradas seis ordingende?
«Eja, semper pro su Montiferru, semus pensende de ordingiare un’àteru eventu mannu mannu chi at a aunire artistas chi benint dae tretos diversos de Sardigna, comente: poetes, improvisadores, sonadores de launeddas, tenores, atores de teatru e àteros artistas connotos in totu su mundu».
E sa poesia, oe in die, sos giòvanos, a l’istimant?
«Andende dae una bidda a s’àtera semus agatende giòvanos, fèminas e òmines, ch’iscrient e chi ant su disìgiu de s’espressare in versos. Comente edade amus bidu chi sunt giòvanos a inghìriu de sos trint’annos, ma disigiamus de acurtziare a sa poesia finas pitzocheddos. Totus ant bisòngiu de unu logu ue b’apet sentidos e libertade pro pòdere contare su chi tenent in sos pensos e in su coro».
Giòvanos e mannos, ite temas tratant?
«Sa gente manna est prus ligada a sos ammentos de sa vida colada. Sos prus giòvanos imbetzes contant miras e isperas pro su tempus benidore».
Modernidade, poesia e mundos virtuales... ite nde pensas?
«Sa tecnologia est ùtile meda, ma non si podet bìvere petzi de mundos virtuales. Su cuntatu de presèntzia intre sas pessones est importante a beru. In sos eventos nostros naschent semper amistades noas e verdaderas. Penso chi cultura e solidariedade aunint e podent megiorare sa sotziedade. Tocat de ordingiare sas cosas cun ànima funguda e cun istima».
